إزاي "لخبط" كأس العالم خريطة الميركاتو الصيفي

الاثنين 16 يوليو 2018 17:02
كتب: محمد جمال

أوعى تفكر إن كأس العالم خلص بسلطاته ببابا غنوجه خلاص بعد ما فازت فرنسا باللقب وهتستنى كمان 4 سنين للمونديال اللي جاي وإننا مش هنتكلم عنه خلال الفترة اللي جاية لو كنت فاكر كدا أحب أقول لحضرتك إنك غلطان.

أنا معاك خلاص  إن الستار أسدل على مباريات البطولة وخلاص فرنسا البطل بس هيفضل كأس العالم له تأثير محسوس ومسموع خلال الفترة اللي جاية وخاصة في صفقات الأندية الكبيرة.

هتقولي إزاي هقولك إن في أندية غيرت اتجاه لصفقات بتاعها بشكل كبير وبدأت تفاوض لاعبين مكنتش بتفكر في التعاقد معاهم لمجرد تألقهم في مونديال روسيا.

·       اليوفنتوس

طبعًا اليوفي من أول الفرق اللي غيرت رأيها في الصفقات واللاعبين بعد كأس العالم وخاصة بعد التعاقد مع رونالدو.

إدارة اليوفي كانت محتارة بين التخلي عن هيجوايين ومانذوكيتش بعد قدوم رونالدو ولكن وصومل مانذوكيتش للنهائي وظهوره بمستوى رائع في الوقت اللي لم ينجح هيجوايين في مساعدة الأرجنتين حتى أو التسجيل بقى بشكل حتمي اللي هيمشي هيجوايين مش مانذوكيتش.

 

·       ريال مدريد

كأس العالم خلى ريال مدريد يهتم ب3 لاعبين بس ومش شايف غيرهم وعلى الأقل عاوز 2 منهم فبعد ما كان بيخطط لضم نيمار من سان جيرمان غير رأيه وفكر في خطف هازارد وكورتوا من تشيلسي وكمان هاري كين من توتنهام بعد تألق الثلاثي مع منتخبات بلادهم في المونديال.

 

·       برشلونة

تقدر تقول إن جريزمان لعب ببرشلونة الكورة وفضل يعشمهم بالانتقال ليهم في الصيف لحد قدر يضغط على أتلتيكو مدريد اللي رفع قيمة التعاقد معاه وخلاه أعلى راتب في تاريخ النادي ليقرر الاستمرار مع الاتلتي.

على الفور بدأ برشلونة يدور على بديل جديد ووجد ضالته في البرازيلي ويليان اللي قدم مستوى جيد مع منتخب بلاده.

ولكن المكسب الأكبر كان لبرشلونة هو تمديد عقد أومتيتي قبل المونديال والحفاظ عليه من أطماع الأندية الأخرى.

 

·       أتلتيكو مدريد

نجح أتلتيكو مدريد في الحفاظ على جهود جريزمان اللي كان أحد أهم عوامل تتويج فرنسا باللقب ودي كان أهم مكاسب الأتلتيكو.

أيضًا من ضمن المكاسب تعاقد أتلتيكو مدريد مع الفرنسي ليمار لاعب موناكو الفرنسي.

 

·       بايرن ميونخ

اتجه فريق البايرن للتعاقد مع الفرنسي بينجامين بافارد مداف منتخب فرنسا خلال فترة الانتقالات الصيفية الجارية وأشارت العديد من التقارير إلى أن البايرن دخل في مفاوضات مع اللاعب قبل المونديال إلا أن المستوى الذي قدمه مع فرنسا سيجعل البايرن يقاتل من أجل التعاقد معه.

 

·       ليفربول

استفاد فريق ليفربول الإنجليزي أيضًا من مونديال روسيا بعدما تعاقد مع النجم السويسري شاكيري بعد المستوى الطيب الذي قدمه مع منتخب بلاده في المونديال.

 

·       أرسنال

تمكنت إدارة أرسنال من خطف توقيع الأورجوياني توريرا بعد خروج منتخب أوروجواي من المونديال.

وقدم المدافع توريرا مستوى مميزًا مع منتخب بلاده الأمر الذي كان سببًا في انتقاله لصفوف أرسنال.

 

·       مانشستر يونايتد

بعد تألق نجوم مان يونايتد في كأس العالم أمثال بوجبا ولوكاكو وفلايني اطمأنت الإدارة على الجانب الهجومي في الفريق وبدأت إدارة النادي التوجه للتعاقد مع مدافع لتعزيز صفوفه.

وأشارت التقارير إلى أن البلجيكي ألدرفيريلد على رأس اهتمامات اليونايتد.