افتح القوس واكتب الاتحاد.. رادس مليان حكايات

الاثنين 3 سبتمبر 2018 13:08
كتب: محمد جمال

هو ملعب رادس دا ملوش أهل يسألوا عليه .. الموضوع بقى أوفر أوي يعني ومطلعش الأهلي بس اللي بيكسب عليه من مصر أو بيرجع حتى بالنتيجة اللي هو محتاجها لا الموضوع طلع له أبعاد أكتر من كدا بكتير.

امبارح الاتحاد السكندري تأهل لدور الـ16 بالبطولة العربية على حساب الترجي التونسي من ملعب رادس بعد التعادل معه 2-2 بعد أن حسم التعادل 1-1 مباراة الذهاب في برج العرب.

ناس كتير كانت فاكرة إن راد سدا ملعب الأهلي المصري لأنه بيكسب عليه باستمرار وفاز ببطولتين إفريقيتين عليه وكمان ياما شهد على مباريات قوية.

تعالوا بينا نشوف ملعب راد سدا مع الأندية المصرية عامل إيه.

مع الأهلي كان رادس وش السد وله فيه حكايات لأنه فاز على الترجي في رادس أكتر ما فاز عليه في مصر تخيل بقى فرقة بتكسب على ملعب برة أرضها أكتر من اللي بتكسبه في أرضها

·       المباراة الأولى اللي الأهلي بدأ يحس بقوته في رادس كانت 2001 في نصف نهائي دوري أبطال إفريقيا واللي انتهت بالتعادل 1-1 بهدف سيد عبد الحفيظ وتأهل بيه الأهلي للنهائي.

 


·       المباراة التانية اللي كانت وش السعد على الأهلي في رادس كانت أمام الصفاقسي في نهائي دوري أبطال إفريقيا 2006 وقدر يفوز فيها الأهلي بهدف أبو تريكة القاتل ليفوز باللقب.



·       المباراة الثالثة كانت نهائي دوري أبطال إفريقيا 2012 أمام الترجي وفاز فيها الأهلي بهدفين مقابل هدف وأهدر ركلة جزاء وعاد باللقب.


 

·       المباراة الرابعة كانت بين الأهلي والإفريقي التونسي في دور الـ16 الثاني وخسر الأهلي 2-1 وهي نفس نتيجة فوزه في القاهرة ليتم الاحتكام لركلات الجزاء واللي فاز بها الأهلي وتأهل لدور المجموعات.

 

·       المباراة الخامسة كانت أمام الترجي من جديد في الكونفدرالية الإفريقية 2015 عندما فاز الأهلي هناك بهدف دون رد.

 

·       المباراة السادسة للأهلي كانت الموسم ده أمام الترجي وفاز خلالها الأهلي بهدف دون رد وتصدر المجموعة التي تأهل منها لدور ربع النهائي.



مش الأهلي بس اللي له حكايات في رادس الزمالك هو كمان له تاريخ مشرف في الملعب التونسي، ففي دور ربع النهائي بدوري أبطال إفريقيا وتعادل الزمالك أمام الترجي بهدف لكل منهما وكان هدف حسام حسن دا سبب كبير في تصدر الزمالك لمجموعته وتتويجه بالبطولة في النهاية

 

المباراة التانية للزمالك كانت في 2005 أمام الترجي وفاز فيها الزمالك 2-1 سجلهم جونيور وحازم إمام في دور المجموعات واللي تسببت في خروج الترجي واحتلال الزمالك وصافة المجموعة والتأهل لدور نصف النهائي.

 


الإسماعيلي كمان كان له تاريخ في رادس بعد الفوز على الترجي 3-1 في  إياب نصف نهائي دوري أبطال إفريقيا 2003.

 


وكانت أخر الأندية اللي كان رادس وش السعد عليهم هو الاتحاد السكندري اللي اتعادل امبارح عليه 2-2 ليتأهل لدور الـ16 بالبطولة العربية على حساب حامل اللقب.