الغربية "حتة من أوروبا".. حكاية مش بطلها صلاح لوحده

الأربعاء 25 يوليو 2018 14:01
كتب: محمد جمال

فرنسا كانت أولى محطات الكفاح والنضال واللي صنعت اسم مفتاح مفتاح المناضل الثوري لفيتها خرم خرم باريس وجمال باريس نيس والمناظر الروعة هناك كان ومهرجانات كان الأقصر والحضارة الفرعونية هناك.

الجملة دي واحدة من أشهر الجمل في مسرحية "كدا أوكيه" والي كانت بين الفنان هاني رمزي "عادل رأفت" وأحمد السقا "مفتاح مفتاح" بس لو المسرحية دي النهاردة كنت ممكن تتخيل إن السقا يقول الأقصر والحضارة الفرعونية في باريس ولا كان ممن يختار منطقة تانية يتكلم عنها.

بيتهيالي بعد المصادفة الغريبة اللي بتحصل في الفترة الأخيرة وخاصة في مدينة الغربية كان ممكن تكون جملة السقا " الغربية ونجوم الكرة هناك".

متستغربش أيوة الغربية بتعيش حاجة غريبة جدًا جدًا في الفترة اللي فاتت وخاصة عند لاعبين الكرة.

الغربية بتخرج كل فترة موهبة جديدة في كرة القدم خليتنا نشك إنها جزء من مصر بقينا حاسيين إنها يا قطعة من البرازيل بسبب نجوم الكرة.

الغريب في الأمر إننا في مصر بنقدرش قيمة النجوم دول وبنحكم عليهم بالفشل وبعد كدا بيحرجونا وبيكونوا نجوم عالميين ومنهم:

 

·       محمد صلاح وحكايته مع الزمالك

محمد صلاح نجم ليفربول وأحسن لاعب وهداف الدوري الإنجليزي كان لاعبًا في المقاولون الرب ورفض نادي الزمالك برئاسة ممدوح عباس وقتها شراء اللاعب من المقاولون بحجة أنه لا يزال أمامه الكثير من أجل الانضمام للفريق.

محمد صلاح بعدها راح احترف في بازل السويسري ومنه لفريق تشيلسي وبعد كدا فيورنتينا وروما ثم العودة للبريميرليج من بوابة ليفربول.

 

·       محمد النني وتسريحه من الأهلي

محمد النني لاعب وسط المنتخب الوطني وأرسنال الإنجليزي كان أحد الناشئين في الأهلي وتم تسريحه مجانًا بسبب أن مستواه الفني لا يناسب الفريق لينتقل إلى المقاولون العرب ومنه إلى بازل ثم الانتقال إلى الأرسنال.

 

·       الناشئ يوسف أسامة

بصراحة هو دا سبب كتابة الموضوع دا لاعب نشئ صغير السن قدم في اختبارات نادي طنطا وحلمه يكون لاعب في الدوري المصري وعلى الرغم من هبوط طنطا إلا إن اللاعب لم ييأس وراح الاختبارات.

الغريب إن اللاعب اترفض ولم ينجح في اختبارات نادي طنطا ليتحول بقدرة قادر لفرنسا ويتجاوز اختبارات باريس سان جيرمان ويصبح أحد لاعبي فريقه.

بعد كل الكلام ده يا إما الغربية فعلًا فيها حاجة غريبة أو إحنا اللي مش عارفين نتعامل مع ناسها أو إن الغرباوية مكانهم مش في مصر.