الفسيخ بقى "Yukky Fish" يا ناس.. 9 حاجات دلعناهم بزيادة

الاثنين 9 إبريل 2018 16:35
كتب: نهى حمدي

"كله بيتغير ومفيش حاجة بتفضل على حالها" حتى الأكل والأشياء أصبحت أسمائهم تتغير مع الوقت، فلم يعد شيء يبقى على حاله، فكم من أكلة ركبت موضة تغيير الأسماء أو بمعنى آخر ترجمتها للغة الانجليزية ترجمة حرفية "من اللي هي بتاعت جوجل ديه".

Yukky Fish

فبعد 7000 سنة حضارة نأكل فيها "فسيخ" تغير اسمه على أيادي الجيل الحالي، ليصبح اسمه الجديد " Yukky Fish" ليناسب الاسم الجديد الشوكة والسكينة أكثر عند طلبه في المطاعم الفخمة "فسيخ ولاد الأكابر".

"جرين برجر"

وطبعًا الاسم الجديد للفسيخ جاء بعد الرواج الذي حدث من فترة على الطعمية، ففي يوم أصبحت الطعمية "جرين برجر" لم نعلم من أين جاء الاسم حقيقًة ليبقى "تريند" على مدار أسبوع تقريبًا.

"صن كيس" و"الجيلي فيش"

وفي صيف السنة "اللي فاتت وسط قناديل البحر المرمية على طول الشواطئ " كان لابد من تسمية القناديل "أومال أيه مش بقوا عشرة" وتحول اسم القناديل لـ"جيلي فيش" وبقينا نطبخه، والقعدة على البحر والجسم العاري أمام الشمس أصبحت اللسعات أو ما نعرفها نحن بـ"تسلخات" ليظهر لها مسمى جديد تمامًا وهو "صن كيس".

وغيرهم من المسميات اللا متناهية التي  ظهرت على الأكلات على "السوشيال ميديا "وركبت موجة "التريند" بالفترة الأخيرة فتحول الفطار لـ  "oriental breakfast" حتى لو كان فطارك "بتنجان وطبق فول من على العربية"، حتى الملوخية "ام شهقة " لم تسلم من هذه الموجة وبقى أسمها green soup، ومن بين المصطلحات الجديدة  كان الحرنكش golden berry   والكنافة baby hair والكشري Egyptian pasta"وعمار يا مصر يا أم الأجنبي".