"اللي خلف مامتش".. 5 فنانين فكرونا بأشهر حاجة عملوها آبائهم

الأربعاء 4 يوليو 2018 13:59
كتب: ندا عصام

 بيقولو إن اللي خلف مامتش.. وان كل واحد فينا فيه صفات وسمات واخدها من أبوه، وفي مجال الوسط الفني بقى لاقينا أن الموضوع واضح جدًا، وولاد الفنانين دخلوا الوسط بطريقة أسرع وأسهل بكتير، ففي مواقف لما شفناها ليهم سواء في السينما أو الدراما أو غيره، سرحنا وافتكرنا أباهاتهم ، والجملة اللي كانت علي لسانا "والله فيك من أبوك".

 

 

محمد عدوية

اسمه لوحده كفيل انه يفكرك بوالده نجم الأغنية الشعبية والمواويل أحمد عدوية، محمد عدوية يعني الصوت الحنين والبحة، ونبرة الصوت المميزة، في كل البوم بينزله محمد ، لازم نلاقي موال أو اتنين في بداية أغانيه، وده طبعا زي ما عودنا الجميل أحمد عدوية، الذي تراه متربعًا في المنطقة دي بالذات، دايما محمد عدوية، في مكانة بعيدة عن أي فنان تاني، والظاهر إن ده أسلوب عدوية الكبير من صغره، أصل هنقول إيه "صورة بالكربون".

 





أحمد الفيشاوي

في منتصف الثمانينات وبالتحديد سنة 1987 قدم فاروق الفيشاوي، في السينما المصرية فيلم "القرداتي"، وظهر طول أحداث الفيلم بشخصية النصاب اللي بيجسد شخصية "القرداتي" مقابل الفلوس، وفي الفيلم كان في "سيم" بينه وبين الراجل اللي بينصب معاه وهو "القرد بيتكلم"، فيدور الزمن ويلف ونلاقي ابنه أحمد الفيشاوي، عامل فيلم اسمه "القرد بيتكلم" وطلع برضوا بشخصية نصاب، وعشان الصدفة الحلوة تكمل إن فيلم "القرداتي" كانت البطلة اللي قدام فاروق الفيشاوي، هي سمية الألفي، اللي هي أصلًا طليقة  "الفيشاوي".. "سبحان الله".

 




محمد إمام

يعتبر عادل إمام، من أكثر الفنانين المصريين اللي قدموا بطولة أفلام سينمائية ليها علاقة بالكرة حققت نجاح كبير ومازال الجمهور متذكرها منها "الشياطين والكورة"، "رجل فقد عقله"، "الحريف"، فتعدي سنين طويلة ويجي اليوم اللي نشوف فيه ابنه محمد إمام، وهو خاطف الأنظار والانتباه بأول دور بطولة له من خلال فيلم "كابتن مصر"، اللي ظهر فيه أكثر من نجوم كوميدي منهم محمد سلام وبيومي فؤاد وطاهر أبو ليلة.

وظهر "أمام" بدور لعيب كرة دهس رجل امن بالخطأ أثناء قيادته للسيارة مما تسبب في إعاقة دائمة، ليحكم على اللاعب بالسجن لمدة 3 سنوات فيقرر أن يشكل داخل السجن فريقًا محترفًا لكرة القدم.





 


أحمد سعيد عبد الغني

في أوائل التسعينيات لما كانوا يحبوا يجيبوا ممثل يقدم شخصية شريرة فكان الأرجح أو بنسبة كبيرة أوي العين كانت "بترشق" على الفنان سعيد عبد الغني، اللي كره الناس فيه بأكثر من شخصية قدمها على مدار مشواره الفني، فتلف بينا الأيام ويبقى النموذج الأمثل لأدوار الشر من سنين فاتت، ولحد دلوقتي هو نجله أحمد سعيد عبد الغني، اتقن ادوار الشر بتعبيراته الحادة، فالصراحة احنا كرهناه أوي في أكتر من عمل أشهرهم "مطب صناعي، وخارج على القانون، الحقيقة والسراب".  

 




الرحباني

 نهاد رزق وديع حداد، المعروفة بـ فيرُوز، تزوجت من عاصي الرحباني، وقدمت معه العديد من الأوبريهات فهو يمتاز بنوعية أغاني وموسيقى معينة تماما عن أي مطرب أخر، فتنجب فيروز منه ابنًا يدعى "زياد" فتلف الأيام، ونشوفه، وهو بيقدم برضه نفس نوعية أغاني والده، ولكن بشكل حديث وجديد.