أحدهم مات بسبب ما قام به.. 7 "عملوا المستحيل" قبل بطولة أفلامهم

الاثنين 25 يونيو 2018 14:15
كتب: ندا عصام


"الفنون جنون"، سمعناها كتير الجملة دي، بس لما تشوف اللي أبطال في هوليود عملوه علشان دور هيقدموه في فيلم، هتتأكد إن الجملة دي حقيقية جدا، حاجات فوق الوصف، خلت كل متابعين السينما العالمية ينبهروا، ويتصدموا، أفلام اتعلقنا بيها بس كثير فينا ماكانش يعرف اللي ورا الكاميرا، وده اللي احنا هنتكلم عليه في الكام سطر الجايين.


كريستيان بيل

من أمهر ممثلين هوليود في اكتساب وفقدان الوزن، وعشان يلائم الشخصية اللي بيقدمها في أي عمل سينمائي، وفي فيلم "The Machinist " خسر أكتر من 63 كيلو من وزنه لتحضيره للشخصية، وبعدها اكتسب وزن إضافي لدوره في "باتمان" اللي كان محتاج منه عضلات ضخمة، ومن "كرش" في فيلم، لجسم طبيعي في فيلم أخر، قدم لينا "بيل" نموذج في محاكاة الشخصيات على حسب وزنها.




هيث ليدجر

انعزل هيث ليدجر، عن العالم لمدة 6 أسابيع مرتدي ملابس الجوكر ليقدم الشخصية بحرفية شديدة جدًا في فيلم "The Dark Knight"، وحصل بعدها هيث، على جائزة أوسكار كأفضل ممثل مساعد، ولكن توفى قبل أن يتسلمها بسبب تأثره نفسيا بالدور، وما قام به من أجل الشخصية "كما قيل حينها".




توم هانكس

خسر توم هانكس، وزنًا كبيرًا جدا بالتدريج على مدار أحداث فيلمه " cast away"، وجسد دور رجل وحيدا على جزيرة، ويعتبر من أفضل الشخصيات اللي قدمها في مسيرته الفنية.




تشارلوز ثيرون

تخلت تشارلوز ثيرون، عن رشاقتها وجمالها لتقدم دور قاتلة في فيلم "monster"، ومن الصعب أن نصدق ان اللي في الفيلم هي الجميلة تشارلوز ثيرون.


 



روبرت دي نيرو

هو الممثل الأمريكي الشهير في فيلم " Taxi Driver"، وعندما حصل على رخصة لقيادة سيارة الأجرة واستمر في العمل لمدة 12 ساعة يوميا ولعدة أسابيع، قد صدق وقام بما هو أكثر جنونا،وحطم أسنانه من أجل تقديم دور مغتصب في فيلم "cape fear".




نيكولاس كيدج

المعروف عنه إنه بيستعد لأي شخصية بطرق غريبة ومجنونة مثل تنفيذ محاولة استخدام تعاويذ فرعونية للتحول لشبح بهدف الظهور بشكل واقعي في فيلمه "Ghost Rider".


 

 
ناتالي بورتمان

في الفيلم الشهير "V for Vendetta"، قامت ناتالي بورتمان بإزالة شعر رأسها بالكامل في مشهد صعب، ولن ينسى.