بعد السخرية والهجوم عليه بسبب لقب "آل باتشينو العرب".. محمد رجب: "أنا زعلان" (فيديو)

الأحد 16 ديسمبر 2018 14:35
كتب: ندا عصام

تعرض الفنان محمد رجب، لسخرية شديدة وهجوم حاد على السوشيال ميديا، بعد حلقته مع الإعلامية سمر يسري، في برنامجها "حفلة 11"، عندما تحدث عن اللقب الذي أطلق عليه  بـ"آل باتشينو العرب".


وخرج "رجب" عن صمته ونشر فيديو عبر صفحته الشخصية على "فيسبوك" وقال: "أول مرة اعمل فيديو وبعمله مش عشان ابرأ نفسي من الافتراقات اللي حصلتلي بموضوع آلأ باتشينو، والله العظيم أنا زعلان ان الناس عايشة بالطريقة دي وعلى المعلومات المنقوصة المغلوطة".


وأضاف: "الموضوع باختصار شديد، بعد ظلم كتير اتعرضت له من بدايتي ولحد السنة اللي فاتت واتظلمت فيه ومتكلمتش، بشوف اللي ظالمني لان مش بايده ده قضاء ربنا ودايما بحاول اكون عند حسن ظنكم".


وتابع: "سافرت سانت كاترين ووتسلقط جبل وقاعدت اكلم ربنا كتير اوي واتصورت صورة طلع شكلي حلو فيها احتفظت بيها ومرت الأيام وشفت صور للنجم العالمي آل باتشينو، وقرات عنه ، وابتديت احس ان ربنا بيقولي متيأسش، وحاولت وجربت وفشلت وكملت لغاية ما اشتغلت في مكتب تدريب ممثلين، وبعدها إيناس الدغيدي شافت الصورة وسالت عليا وكانت الصورة ان ربنا يريد انها تكون سبب مشواري الفني".