من "الحاج متولي" إلى "ضد مجهول".. مراحل تطور غادة عبد الرازق

الثلاثاء 12 يونيو 2018 12:46
كتب: ندا عصام

في فنانات كتير أوي بيحبوا يظهروا دايما بكامل أناقتهم وشياكتهم، وتحس إن في قرار بينهم كده بعدم التخلي لحظة واحدة عن الميكب، وده ساعات بيبقى ضدهم، وخصوصًا لو ظهروا في أدوار تتطلب التخلي عن الجمال "بيحجمهم"، ووقتها فعلا بيبقى مفيش إقناع للمشاهد يعني مثلا تدخل غرفة العمليات بالميكب، في جنازة وبرضه "بتلمع"، وغيرها، وده اللي قدرت غادة عبد الرازق تكسره بصراحة، ماعندهاش أزمة إطلاقًا في ظهورها بشكل تتخلى فيه عن أنوثتها علشان تقنع جمهورها بالكاراكتر اللي بتقدموا، وده شفناه مع غادة كتير جدًا فتعالوا نشوف ظهرت إزاي في مسلسلاتها.

 

عائلة الحاج متولي

"نعمة الله" اللي قدمتها في "الحاج متولي"، كانت شخصية جديدة علي غادة عبد الرازق، وكاراكتر تقدر تقول كدة مايتنسيش من نواحي كتير يعني طريقة كلامها وريأكشن "وشها" وملابسها، واشتهرت "نعمة الله" وقتها بالعبايات و«القمطة» و«الغوايش الدهب».




الباطنية

بعد "الحاج متولي" اتغير شكل غادة عبد الرازق، تماما في مسلسل "الباطنية"، فتعددت إطلالتها لتصبح امرأة أكثر جمالًا، وكانت "الشيشة" تلازمها في أغلب الحلقات علشان تناسب شخصيتها في المسلسل.

 


 زهرة وازواجها الخمسة

اتبعت غادة، استايل خاص في هذا المسلسل، لتشتهر بكثرة ارتدائها «العبايات» مع لفة طرحة معينة تتناسب مع الشخصية، وعلق وقتها البعض عن الجمال الذي ظهرت به.



سمارة

"الملاية اللف والجلابية البلدي والبرقع".. عنوان غادة عبد الرازق، في مسلسل "سمارة"، فخرجت من عباءة الأدوار التقليدية لتظهر بشكل جديد من حيث جميع النواحي كاراكتر وملابس وطريقة أداء.



السيدة الأولى

تميزت غادة عبد الرازق، في المسلسل بارتدائها الملابس الكلاسيكية حتى تكون ملائمة لشخصية «السيدة الأولى».



الكابوس

لم تتبع غادة عبد الرازق، في مسلسل "الكابوس" لوك جديد أو مختلف يبهر الجمهور، فكان أغلب ملابسها تميل إلى اللون الأسود مع لفة طرحة "اسبانش".



حكاية حياة

خطفت غادة عبد الرازق، الأنظار حولها من خلال ملابسها التي ارتدتها طوال أحداث مسلسل "حكاية حياة" فاجمع الكثير عن أنوثتها والفرق بين شكلها في هذا العمل وأعمال أخرى في أول ظهورها على الشاشات.



أرض جو

لاحظ الجميع رشاقة غادة عبد الرازق، في المسلسل وأنوثتها مما جعلها تبدو أصغر من عمرها الحقيقي، وتعمدت عدم خلق تقاليع كي تلفت الانتباه ولكن جمالها الطبيعي مع ملابسها التي ارتدتها كمضيفة طيران وفساتين ولوك أخر جعلها في عيون الجميع نجمة لامعة.




ضد مجهول

وفي مسلسلها "ضد مجهول" اللي بينافس السنة دي في رمضان، ظهرت بشكل جديد ومختلف، حيث تخلت عن شعرها وظهرت بشعر قصير ونظارة طبية حتى تكون مناسبة أكتر لشخصية مهندسة الديكور.