تعليق تامر حسني على اعتزال حسام غالي

الثلاثاء 24 إبريل 2018 10:40
كتب: ندا عصام

علق النجم تامر حسني، على اعتزال حسام غالي، لاعب وسط الفريق الأول لكرة القدم بالنادي الأهلي.

وكتب «حسني» عبر صفحته الشخصية بموقع التواصل الاجتماعي «فيسبوك»: «تحليل شخصي مش اكتر واتمنى يطلع غلط بس واثق انه صح ....اللي يقرأ بين السطور ويركز في كلمة هنا عايز يرتاح وتحديداً كلمة "مش قادر"يلاقي ان الراجل ده بيبكي من الضغوط والحروب النفسيه اللي اتعرض ليها في حياته رغم انه بالفعل من أحسن وأرقى لاعبي مصر».

وأضاف: «بيبكي وبياخد قرار ينهي بيه حياته الكروية بسبب "طاقه سلبيه" خرجت من نفوس شريرة مريضه تملكت منه وسيطرت عليه بخلاف اللي بينصح بمحبه فهو مشكور في الحقيقة».

وتابع: «يا حسام انت فعلاً تقدر تكمل بس انا مش ضد القرار لأن اعتزالك وانت في قمتك هيخلد إسمك أنا بس كان نفسي تاخد القرار من غير أي تأثير سلبي عليك عشان كان لازم تكسب المعركة دي عشان الأجيال الجاية تتعلم منك ميستسلموش لأي طاقه سلبيه عموماً ربنا يكون في عونك وانت ادرا من اي شخص بحالك وان شاء الله ربنا يكتبلك الصالح ليك وهتوحشنا في الملاعب يا بطل . واتمنى انك تعمل ماتش إعتزال تاني في مصر عشان محبينك الكتااااار اللي مش هيقدروا يسافروا».