تفتكر ليه قالوا "دخول الحمام مش زي خروجه"؟

الجمعة 20 يوليو 2018 11:10
كتب: ندا عصام

"دخول الحمام مش زي خروجه" مثل شعبي قديم منتشر بشكل مش طبيعي، دايما بنسمعه وبنردده، لكن عمرك فكرت المثل ده بيعود لعصر إيه؟ أو حكايته إيه بالظبط؟

مبدئيًا كدة المثل ده بيرجع للعصر العثماني، والحكاية كلها أن قرر راجل فتح حمام تركي جديد، وعلشان يجذب الزباين ليه بشكل مبهر وبطريقة حديثة قرر أنه يعلق "يافطة" مكتوب عليها "دخول الحمام مجانًا"، فبدأت الناس تروح وتتهافت عليه " ماهو كله بالمجان بقى".

لكن بعد كدة صاحب الحمام كان كل ما يخرج زبون يحجز الهدوم بتاعته ويرفض يديها ليه إلا بمقابل مبلغ مادي، قال يعني تمن استخدام الحمام.

ومن هنا حدثت مفاجأة للزباين بعد ما رجع الراجل عن كلامه وقال ان دخول الحمام مجاني، فاحتجوا قائلين : "ألم تقل بأن دخول الحمام مجاني ؟!، فرد الراجل: "دخول الحمام مش زي خروجه"، فبعد كدة انتشر المثل والناس كلها بقت تقوله على حسب الموقف.