توفيق عكاشة وحياة الدرديري.. "قصة حب" بدأت من "الكنترول"

الثلاثاء 3 يوليو 2018 16:52
كتب: ندا عصام

 "احتفل الإعلامي توفيق عكاشة بزفافه على الإعلامية حياة الدرديري، في حفل اقتصر على الأهالي، والأصدقاء المقربين بأحد المراكب النيلية"، هكذا كان خبر زواجهما، الذي أثار حالة كبيرة من الجدل خلال الساعات الماضية، ولحد دلوقتي، في ناس كانت متوقعة الخبر من فترة طويلة خصوصًا أنهما تربطهما علاقة صداقة قوية جدًا على حد كلامهم يعني، وجزء تاني استغرب من الموضوع، وماكانش مصدق.

وفي الحقيقة الموضوع اتحسم والصور اللي انتشرت على السوشيال ميديا امبارح كانت هي الدليل على جواز العروسين، في منهم فرح وبارك ليهم وقدموا أحلى التهاني، والجانب الأخر انتقدهم وخدوا كمية تريقة "للركب"، بسبب فرق السن الكبير بينهما، وغيرها من الأسباب.

 وقبل حوار الجواز بقى توفيق عكاشة وحياة الدرديري، كان ليهم مواقف كتير أوي مع بعض، منها محرجة، وأخرى مغازلة، يعني مثلا في موقف مايتنسيش الكل اتكلم عنه، انتشر فيديو خلال تواجد "عكاشة" بغرفة التحكم بقناة "الفراعين" ليلقن "الدرديري" على الهواء الكلام حرفًا بحرف، وهي كانت وراه أول بأول بتقول "ماشاء الله".




وموقف من نوع تاني، بس المرة دي بقى كانت مغازلة"علي عينك يا تاجر" فخلال استضافته ببرنامج "مصر اليوم"، اتكلم توفيق عكاشة، عن محاولة خطف "الدرديري" لإحدى بناتها، وفي وسط الكلام على الهواء قالها "كلي عسل أبيض".






"انتي بتقاطعيني ليه هو أنا خلصت" الحال هنا كان متشقلب، القصة بقى ماكنتش لسة بدأت، فأحرج "عكاشة" الدرديري، على الهواء خلال حديثه في أحد المواضيع الهامة، هي دي طبيعته أها بس "الكسفة وحشة".