حدوتة المجرم اللي دوخ فرنسا بحالها.. رضوان فايد وأسطورة مستر إكس

الجمعة 6 يوليو 2018 17:17
كتب: محمد عباس

مش كل يوم هتسمع عن مجرم زي الفرنسي اللي بينحدر من أصول جزائرية رضوان فايد صاحب ال46 عام، واللي عليه حوالي 56 سنة سجن، واللي كان صاحب اكتر خبر مثير للجدل في الاسبوع اللي فات ده "بعيدا عن ماتشات كأس العالم طبعا". 


رضوان كان بيقضي عقوبة السجن لمدة ربع قرن بعد ما قتل ظابط شرطه فرنسي عام 2010 بعد محاولة سطو فاشلة، طبعا ده غير قضايا السرقة و القتل اللي لسه بيتحاكم فيهم. 


الحكاية مش هنا، الحكاية أن المجرم "اللي مشهور بثقافته و خياله الواسع"، نزلت طيارة هليكوبتر في قلب السجن اللي كان فيه، والموجود في جنوب فرنسا، علشان أصحابه يهربوه، ويطلعوا من بره السجن لجنوب فرنسا، "في مشهد ماتعملتش في أقوى فيلم أكشن", وتقوم الشرطة الفرنسية بتجنيد 3000 شرطي علشان يتعقبوه. 


رضوان اللي لسه هربان لحد دلوقتي، مش أول مرة يهرب، عملها قبل كده في التسعينات، وفضل هربان تلات سنين ما بين فرنسا و سويسرا، ومحدش عرف يقبض عليه ساعتها برضه.