عمرو دياب ودينا الشربيني فرحهم هناك ..أحلى 5 حاجات في جزيرة "ميكونوس"

الأربعاء 6 يونيو 2018 15:55
كتب: ندا عصام

 في البداية كدة الموضوع اللي هنتكلم فيه مش جديد علينا ومافيهوش أي نوع من الجدل، خبر ارتباط أو زواج عمرو دياب ودينا الشربيني بقى موضة قديمة، والكل اتأكد منه الفترة اللي فاتت، وده بسبب ظهورهم بشكل مبالغ فيه مع بعض وإصرارها على حضور حفلاته الغنائية وكمان مشروع العمل السينمائي اللي كان هيجمعهم ببعض، وتواجدهما مع بعض أكثر من مرة في مطار دبي وهو ممسك يدها، وإشرافها من قبل على حفل عيد ميلاده، ومؤخرا ظهورها معه ومع ابنته الكبرى في لندن.

لكن الجديد دلوقتي إن رواد مواقع التواصل الاجتماعي تداولوا خبر إن قصة حب السوبر ستار عمرو دياب ودينا الشربيني، ستكتمل بحفل زواج بعد عيد الفطر، وحفل الزفاف سيكون بجزيرة ميكونوس اليونانية، بعيد عن أعين الناس، وعلشان في ناس كتير متعرفش حاجة عن جزيرة "ميكونوس"، حبينا نعرفكم شوية تفاصيل عنها.


جزيرة ميكونوس تعتبر وجهة أساسية في اليونان، تتميز بالمباني البيضاء والطواحين الرائعة والمناظر الجميلة الخلابة، إضافة إلى أنها مناسبة لجميع الأعمار وبها فنادق فاخرة جدًا.


ومن
أجمل الأماكن السياحية في جزيرة ميكونوس اليونانية هي "فينيسيا الصغيرة وهي مكان هادي كدة ورومانسي زيادة عن اللزوم، ده غير إن الحي يتزين بالمنازل القديمة التي تقع مباشرة على حافة البحر "روقان".




"طواحين الهواء" وهي من أكتر السمات التي تتميز بها ميكونوس عن غيرها، فهي كروية الشكل مع سقف مدبب مصنوع من أحسن أنواع الخشب، وأكثر ما يميزها هو لونها الأبيض الثلجي.

 


جزيرة ديلوس ودي بقى بيرجع تاريخها لعام 3000 قبل الميلاد وسكنها الفينيقيين لأول مرة، وتعتبر هي مسقط رأس أبولو إله الموسيقى، ولو عايز توصل للجزيرة دي هيبقى من خلال قارب أجرة من جزيرة ميكونوس ويستغرق 20 دقيقة.




"البجع بيتر
" هو أشهر حاجة في جزيرة ميكونوس يشاهدونه الزوار وهو يمشي على مهل في منطقة المدينة، ده غير إن الأطفال يعشقونه بشكل كبير.



متحف ديلوس الأثري من أروع المعالم الأثرية في جزيرة ميكونوس، يضم عدد كبير من الغرف تحفظ المقتنيات التاريخية، ويتضمن عدد كبير من التماثيل النادرة.