سما المصري: "خدت قراري ومش هرجع للعريان تاني"

الخميس 11 أكتوبر 2018 16:14
كتب: ندا عصام

أخذت الفنانة الاستعراضية سما المصري، قرارها النهائي في ارتداء الملابس المناسبة لها، وعدم الظهور بالملابس الجريئة التي تثير الاستفزاز.



ونشرت "المصري" صورة لها وهي مرتدية ملابس بأكمام، معلقة عبر حسابها الرسمي بموقع الصور الشهير "إنستجرام": "هافضل البس اللبس اللي أنا مقتنعة بيه مهما حصل، ومش هارجع للعريان تاني لأني أخدت قراري بنفسي محدش غصبني عليه".


وأضافت: "يطلعوا بقى إشاعة أن أختي بترقص بمايوه وأختي أصلا محجبة.. تطلعوا برضه إشاعات أن اخويا طبال ولا أهلي كلهم عايشين في كباريه ولا هيهز شعرة فيا بالعكس دا بيزيدني قوة وتمسك بقراري".


وتابعت: "طبعا ماهو مش هاين عليهم انضف عايزيني على طول في الوحل عشان يشتموني وينهشوا في لحمي ذي ما هما عايزين.. مش هقول غير حسبي الله ونعمه الوكيل وإذا كانوا هما معاهم إعلام بينصرهم عليا وبينشر أخبار وحشه عني وعن أسرتي فانا معايا ربنا اللي اكبر منهم كلهم وقادر ينصرني عليهم وهينصرني بأذن واحد احد....حسبي الله ونعمه الوكيل".