سما المصري لـ شيرين: «القشف لسه معلم في رجليكي»

الثلاثاء 14 نوفمبر 2017 15:37
كتب: ندا عصام

شنت الفنانة سما المصري، هجومًا عنيفًا، علي المطربة شيرين عبد الوهاب، بعد الفيديو  الذي انتشر خلال أحد حفلاتها في لبنان، وسخرت فيه من نهر النيل.

وقالت «المصري» في تصريحات خاصة لـ «اتفرج»: «مش عيب إننا كنا فقراء وربنا فتحها علينا أنت وأنا ومعظم المصريين كنا مقشفين بس الفلوس نضفتنا بس منسناش أصلنا، النيل إللي مياهه مش عجباكي وفيه بلهارسيا زي ما إنتي بتقولي هو اللي عمل منك بني أدمه، من غير النيل بصي لنفسك في المراية هتلاقي نفسك شبه أوشين بالظبط».

وأضافت: «أكيد فلايه الشعر لسه عندك ما كلنا كنا مقملين ومصر ونيلها اللي مش عجبينك هم إللي عرفونا يعني إيه شامبو وبلسم يا بتاعت الصابون الأسود».

وتابعت: «بصي أنا ليا رد تاني عليك بس مش النهاردة أنا سايبة واجب النهاردة في الرد لباقي المصريين الجدعان اللي شربوا مياه النيل وجالهم بلهارسيا هيطلعوها علي جتتك النهارده، اشربي بقى منهم طالما مش عاجبك شرب مياة النيل».

 

موضوعات ذات صلة