أسود وعضلات وشعر أصفر.. حاجات قدمها لينا محمد رمضان "الملك"

الاثنين 6 أغسطس 2018 11:23
كتب: ندا عصام

رجع محمد رمضان أو "الأسطورة"  بأغنية جديدة صورها على طريقة الفيديو كليب بعنوان "الملك" وكالعادة أثار بها حالة كبيرة من الجدل نظرًا للرسايل اللي بيوجهها بشكل غير مباشر أنه نمبر وان على الساحة الفنية ومفيش حد يقدر ينافسه وأكد على ده لما قال في أغنيته الجديدة " رايحين لفين ده أنا الملك نادي الملوك مين فيكوا مشترك.. اثبت مكانك مسمعش صوتك دماغكوا شغالة بزمبلك".

وكالعادة انقسم الجمهور إلى قسمين الأولى مدافعًا عنه وإن كلمات الأغنية بتتكلم عن الثقة بالنفس، ده غير أنه فنان شامل يعني بيمثل وبيغني وبيرقص فهو بيقدم محتوى معتمد على التسلية، والقسم التاني كان طبعًا عبارة عن هجوم، وأنه دايمًا بيصف نفسه انه رقم واحد وده يدل على الغرور والعظمة وأنه مريض نفساني".

وكليب "الملك" بعيدًا عن أنه لاقى انتقادات شديدة، نقدر نلخص اللي قدمه محمد رمضان في الكام الحاجة الجايين دول.


 وكان أولها استعراضه الشديد وتباهيه بسياراته  زي "اللامبورجيني، والبورش"، وقال ده بالنص في الأغنية "لامبورجيني وانت يابني مكنه صيني أنا فوق"، وده مش جديد على الأسطورة فالمعروف عنه أنه مهوس بحاجة اسمها عربيات.




صور محمد رمضان، الأغنية في فيلا فخمة جدًا ظهر فيها وهو في حمام سباحة، ومحاوطينه بنات "موديل"، ليوضح للجمهور أنه عايش حياة مرفهة على الآخر.




محمد رمضان، في أعماله السينمائية دايمًا بيظهر بجانب أسود ونمور وثعابين، وفي كليب "الملك" ظهر أسد أبيض وصل سعره إلى 140 ألف دولار، ويعتبر أغلى حيوان في العالم، فسبق وظهر معه في إعلان "اتصالات".




في الفترة الأخيرة تعود "الأسطورة" على الظهور وهو عاري الصدر، حتى يستعرض عضلاته "فورمة برضه"، وهو ما ظهر به في الكليب، عكس أغنيته السابقة "نمبر وان".




فاجأ "رمضان" جمهوره بلوك جديد مختلف، فظهر بلون شعر أصفر، مما جعل الجمهور يشبهه بالهضبة في بوستر ألبومه الجديد "كل حياتي".. "الأصفر شكله طلع موضة وإحنا مش عارفين".


 


السلسلة النمر

ظهر محمد رمضان، وهو مرتدي سلسلة على هيئة نمر، مما لفتت أنظار الجمهور، والمعروف أن "رمضان" دايما بيحب الظهور الغير معتاد.




رسالة للمنتقدين

وجه رسالة هجوم لمنتقديه وقال فيها: "هما فين !! اللي قالوا مش هيوصل من زمان هما فين !! اللي في بدايتي قفلوا كل البيبان

قالوا اية! هيلا هيلا هوب انا ملك الغابة شيفك قطة.. هيلا هيلا هوب..هيلا هيلا هوبا التاج على راسي يلا يا بروطة".