طائرة المنتخب تتحول إلى «توكتوك».. «الحلوة سايقها كوبر»

الأحد 6 مايو 2018 15:45
كتب: محمد جمال

طرح خلال الأيام القليلة الماضية الحساب الرسمي لاتحاد الكرة الدولي "الفيفا" على موقع التواصل الاجتماعي تويتر، لجماهيره تساؤلًا: "ما هو الشعار الذي تختاره ليزين حافلة منتخب بلادكم لكأس العالم؟".

وبالطبع تركت الجماهير المصرية بصمتها في السؤال التفاعلي حيث جاءت الرودود غاية في الكوميديا حيث حولت الجماهير طائرة المنتخب إلى "التوكتوك"، وما يكتب عليه حاليًا في الشوارع المصرية.


وجاءت الردود كالتالي:

1- ولا كريم ولا أوبر الحلوة سايقها كوبر.

2- وسعلنا السكة إحنا معانا أبو مكة.

3- أتوبيس الهنا بيجي كل 28 سنة.

4- ولا سواريز ولا كافاني اللي هيقابل صلاح هيعاني.

5- اصحا كده وشمر كمك إحنا الفراعنة يا روح أمك.

6- عدنا بعد سنين لنسعد الملايين.

7- معندناش تكتيك بس أبو صلاح هيبكيك.

8- لما تشوفها اضربلها سلام دا حجازي راكب ورا وصلاح سايق قدام.

9- كار الكورة مش كارنا بس صلاح اللي موصلنا.

10- متبصش عليها يا لوح دا إحنا صعدنا بطلوع الروح.

11- كاس العالم مش شغلتنا بس أحسن من القعدة في قارتنا.

12- من ايطاليا 90 الفراعنة لسه واصلين.

13- ولا في هجوم ولا استوبر بس ربنا ساترها مع كوبر.

14- اتمختري واتمشي تاتا تاتا بنجيب جون ونصعد غتاتا.

15- بالراحة لتدوسها الحلوة رايحة روسيا.

16- لا كرستيانو ولا اسكو دا صلاح موجود في موسكو.

17- حي على الفلاح دا اللي موصلنا أبو صلاح.

18- لو أنت في الهجوم تاجر أنا فى الدفاع فاجر.