علي ينفذ وعده مع تامر حسني ويخطب أميمة بعد سنة (فيديو)

الأربعاء 5 ديسمبر 2018 15:36
كتب: ندا عصام

شارك النجم تامر حسني، الجمهور بفيديو ظهر فيه برفقة اثنان من جمهوره من المغرب "علي وأميمة" والذي قابلهم من قبل في حفل غنائي له بموزاين.

 

وكتب "تامر"، عبر حسابه الشخصي على "انستجرام": "أميمة وعلي من جمهوري وحبايب قلبي من المغرب قابلتهم أيام حفل موازين، وقالي علي أنا حبيت أميمة على أغانيك، وإن شاء الله هخطبها بعد سنتين لما أشتغل قولتله أنا مش موافق أنا عايزك تشتغل من دلوقتي وتشد حيلك وتخطبها بعد سنة.. بجد أنا فرحان من كل قلبي ويباركلهم وفخور بعلي أوي "بزاف" عشان فعلا سمع كلامي وأشتغل وخطبها في السنة اللي قولتله عليها".


وأضاف: "أنت راجل حقيقي يا علي عشان وعدتني بالنجاح وبصدقك مع حبيبتك وروحت أشتغلت وخطبتها أنت مثال للراجل المحترم أوي، مبروك يا أميمة ربنا كرمك بإنسان وراجل بكل المعاني ربنا يحفظكم وعقبال كل اللي نفسهم يتخطبوا ويتجوزوا، أهم حاجة الاختيار السليم مها أتأخر النصيب".


على جانب آخر يبدأ النجم تامر حسني تصوير فيلمه الجديد "نصب تذكاري" الأسبوع القادم، حيث احتفل فريق عمل الفيلم باكتمال فريق العمل بـ"تورتة"، ومن المقرر عرضه بموسم صيف 2019.

 

"نصب تذكاري" بطولة تامر حسني، زينة، خالد الصاوي، عزت أبو عوف، محمد ثروت، عائشة بن أحمد، من تأليف محمد عبد المعطي، إنتاج نيو سينشري، وإخراج سعيد الماروق.