"عيب دي كانت مراتك".. حملة الدفاع عن مي سليم والهجوم على وليد فواز

الأحد 22 يوليو 2018 10:05
كتب: ندا عصام

حالة هجوم شديدة شنت على وليد فواز، بعد البيان الذي أصدره بخصوص انفصاله عن مي سليم، بعد زواج دام لمدة قصيرة جدًا، وحالة جدل مازالت مستمرة حتى وقتنا الحالي، فدخل عدد من الفنانين في حملة دفاع عن صديقتهم مي سليم، ومن جهة أخرى انتقادهم لوليد بسبب طريقته وكلامه عن مي سليم بشكل غير لائق بالمرة خصوصًا انها كانت زوجته، فتحولت سوشيال ميديا الفنانين لرسائل حب ودفاع عن مي.

 

فدافعت وفاء عامر، عن مي سليم، بينما هاجمت طليقها وليد فواز، وكتبت عبر صفحتها الشخصية بموقع التواصل الاجتماعي "فيسبوك": " ميصحش شيل البوست ده، لإنه إساءة ليك قبلها، مفيش نصيب يبقى فيه زمالة واحترام، البنت اشتغلت معايا في جبل الحلال بنت زي الفل، وكل حد شتم عليها كله سلف ودين".

 


بينما تحدث عمرو محمود ياسين، عن أخلاق واحترام مي سليم، وكتب على "الفيسبوك": " بعيدا عن أي حاجه ..مي سليم من أرقى الشخصيات اللي عرفتها .. ست ماتسمعش صوتها في اللوكيشن غير و هي بتمثل ..غير كده قاعدة في أوضتها ..بساطه وخفة دم واحترام وتواضع في التعامل مع الجميع الصغير قبل الكبير ..والجدعنة والمواقف "الرجولية" حاضره وقت اللزوم".

وأضاف: "معرفتها مكسب لأي شخص ..صعب تعرفها في الحقيقة و لا تعتز بهذه المعرفة وأي حد بيشتغل معاها لازم يخرج حاببها جدا ولازم يشكر فيها... فنانه ملتزمة؛ مجتهدة، راقية... ودايما الناس اللي زي مي لازم ياخدوا حقهم و نحكي عن تجربتنا معاهم وعنهم في لحظة ما... وأنا اخترت التوقيت ده".



أما بالنسبة لإدوارد، فعبر عن استيائه الشديد لما فعله وليد فواز، ووجه له هجوم عنيف، فنشر فيديو على "تويتر" قال فيه: "يعني ايه يطلع بيان، ثانيا يا ابني يا حبيبي دي كانت مراتك ماينفعش تطلع تتكلم عليها بالشكل ده عيب، انت عايز تشتهر على قفاها، كل الناس مستاءة من كلامك، وتفتكر في واحدة ممكن تثق وترتبط بيك، ازاي تتكلم عن مراتك بالشكل ده، انت راجل والراجل مايتكلمش عن واحدة ست".