في اليوم العالمي للصداقة.. 12 فيلم يخلوك تعرف قيمة أصحابك

الأربعاء 1 أغسطس 2018 17:05
كتب: ندا عصام , محمد عباس

امبارح كان اليوم العالمي للصداقة، ولأن السينما هي دايما اللي بتعبر عن كل حاجة جوانا، فكان طبيعي إنها تقد لينا أفلام هتفضل عايشة العمر كله بيننا، عن الصداقة، والأصحاب، سواء بقى السينما المصرية، أو الأمريكية، زمان ودلوقتي، كان دايما الأصحاب كلمة السر في السينما، الوفاء، أو الغدر، من أيام عادل إمام ما جاب حق سعيد صالح، وهو بيودعه، ويقوله سلام يا صاحبي، ولحد ما أحمد السقا ما سأل عمرو واكد، وقاله: "بيعتني بكام يا عشري".


أصحاب ولا بيزنس

أصحاب انا وانت ولا، الأغنية اللي مش هننساها، واللي كانت أهم حاجة في الفيلم اللي قدمه لينا مصطفي قمر، وهاني سلامة، في بداية الألفية، عن قيمة الأصحاب، والحفاظ على الصداقة دي، في مواجهة إغراء العمل.



سلام يا صاحبي

مرزوق الكوتش، وبركات الدمنهوري، أحد أشهر، وأهم الثنائيات في تاريخ السينما المصرية، عادل إمام، وسعيد صالح في فيلم "سلام يا صاحبي"، ماقدموش تمثيل مذهل، أو تجربة سينمائية عبقرية مثلا، ولكنهم قدموا تجربة صادقة جدا، لدرجة إنها عاشت كل السنين دي مع المصريين، الصعود من القاع إلى القمة، وإنتقام أحدهما لمقتل الأخر، في ملحمة لن تنسى.



صاحب صاحبه

فيلم مانجحش اوي في وقته، ولكنه اتكلم عن الصداقة على مدار أحداثه بشكل كامل، محمد هنيدي، وأشرف عبد الباقي في الفيلم ده، قدموا درس على مدار ساعتين كاملين في أهمية الصداقة، والحفاظ عليها، والتضحية من أجل الصديق.




أعز أصحاب

علشان تعرف أهمية الفيلم ده، وكلامه عن الأصحاب، ركز في أي مناسبة بتحضرها اليومين دول، وهتسمع المطربة سومة، وهي بتقولك إن أجدع صحاب، صحابي من صغري، وإنك لما تفتكر إمبارح هتدمع، دي كلمات الأغنية اللي قدمها فيلم أعز أصحاب، واللي كان بيحكي عن أصحاب من أيام الدراسة، ولحد ما راحوا يحضروا فرح واحدة فيهم.



إبراهيم الأبيض

"بيعت صاحبك بكام يا عشري"، و" عشري صاحب صاحبه"، في واحد من أقوى أفلام السينما المصرية على مدار تاريخها، قدم لينا أحمد السقا، وعمرو واكد، نموذج للصداقة، واللي هنا كانت بين إثنين من المجرمين، ولما خانها واحد فيهم مضطر، اتقتل مع صاحبه كنوع من التكفير عن الذنب.



 بنات وسط البلد

هند صبري، ومنة شلبي، قدموا في تجربة بنات وسط البلد، حكاية بنتين أصحاب بيكافحوا، ويحلموا، ويشتغلوا، ويواجههوا كل حاجة مع بعض في تجربة مهمة للمخرج الراحل محمد خان.



تيتو

هيفضل دايما كلامنا عن الصداقة، لازم نفتكر فيه الفيلم ده، لأن من أهم الجمل السينمائية اللي اتقدمت في تاريخ السينما المصرية، واللي بتتكلم عن الصداقة، لما السقا قال لعمرو واكد: "انا عملت كل حاجة غلط ممكن تتخيلها، إلا إني أبيع واحد صاحبي"، وهي الحاجة اللي ماحافظش عليها عمرو واكد بعد كده في فيلم إبراهيم الأبيض، وباع السقا ساعتها.


 

 Clueless

الفيلم الذي تم تقديمه سنة 1995، وهو يميل للنوع الرومانسي ويحكي عن "شير" البنت التي تحب مساعدة الأشخاص قليلون الحظ، وبالأخص صديقتها الجديدة  في المدرسة، ميرفي" التي كانت تبدو كشخصية غير عادية ومريبة، وهو من بطولة اليسيا سيلفرستون، دونالد فايسون، بريتاني مورفي.




Crossroads

فيلم كوميدي، انتج عام 2002، عن ثلاثة فتيات أصدقاء من مرحلة الطفولة يلتقون في رحلة عبر البلاد،  بصحبة أصدقاء آخرون، وخلال الرحلة يكتشفون أشياء جديدة في علاقاتهم ببعض، والفيلم بطولة زوي سالدنا، بيرتني سبيرز، تارين ماننج.



legally blonde

فيلم كوميدي أمريكي، انتج عام 2001، وكانت قصته تتلخص في ان هناك فتاه تدعى إلي وودز، تحب رجلًا معها في الثانوية العامة وحتى بعد ما دخلت الجامعة ، وتكتشف مع الوقت انه يراها فتاه شقراء لا تتسم بأي نوع من أنواع الذكاء، ومن هنا تستعين بعدد من الأصدقاء حتى تثبت له انها عكس ذلك، وهو من بطولة ريس ويذرسبون، و لوك ويلسن، وسلمى بلير، و جينيفر كوليدج.

 


The help

الفيلم من بطولة جيسيكا شاستاين، فيولا ديفيس، برايس دالاس هوارد، أليسون جان، تم إنتاجه عام 2011، يحكي عن علاقة صحفية مع اثنين من الخادمات ذوات البشرة السوداء، تقرر كتابة كتاب تفضح العنصرية التي يتعرضن لها عند العمل لدى عائلات البيض.

 


Mean girls

فيلم كوميديا من إنتاج 2004 يحكي قصة كادي هيرون (فتاة تلقت تعليمها الأساسي في منزلها بأدغال أفريقيا ولكن حياتها صعبة عندما تذهب للدراسة في المدرسة الثانوية الواقعة في مدينة خارج شيكاغو، بعد اعترافها بأنها معجبةٌ بالصديق السابق لأكثر الفتيات شعبيةً في المدرسة، وتنقلب المدرسة لحرب وتحاول الوصول لقلب الشاب، الفيلم بطولة ليندسي لوهان، رايتشل مكأدامز، أنا جاستيير.