افطر مع صحابك وادفع أقل من 100 جنيه

الثلاثاء 29 مايو 2018 14:40
كتب: نيرفانا سامي

عايز تخرج مع أصحابك تفطروا مع بعض قبل ما رمضان يخلص ومش عارف؟ بتفكر اننا في أخر الشهر ومفلس؟ احنا جبنالك الحل "بصوت الكابتن ممدوح فرج"، ولكن قبل ما تشوف الأماكن اللي بنرشحها ليك، افتكر ان اللمة الحلوة أهم من أي حاجة، وكمان افتكر ان بقالك 13 يوم بتاكل محشي وصواني وبط ولازم تغير.

تعالى نقولك على 5 مطاعم بتعمل سندوتشات حلوة جدا تروح تفطر فيهم انت وأصحابك ومش هتدفع أكتر من 100 جنيه بمواصلاتك، واتبسط يا معلم


صبحي كابر ( المشاركة حلوة مفيش كلام )

صبحي كابر من أكتر المطاعم اللي بتقدم أكل شهي، وتقدر تروح هناك انت وأصحابك وتطلبوا أكتر من طبق رئيسي وتشاركوا كلكم في السعر، وبكده هتاكلوا وتتبسطوا من غير ما تدفعوا كتير، بس لازم تتصلوا تحجزوا قبل الخروجة بيوم على الأقل.

العنوان: ٤ شارع فراج حميدة – سيدي فرج – روض الفرج

صفحة الـ facebook : (مطعم صبحي كابر)





أسماك الحوراني (ويلا على الفلوكة)

مطعم أسماك الحوراني من أهم المطاعم إللي بتقدم وجبات بحرية حلوة جداً وفي نفس الوقت بأسعار مناسبة، لكن للأسف المطعم مفيهوش مكان ممكن تقعد تاكل فيه، وعشان كده ممكن تأجر فلوكة كده صغير انت وأصحابك لمدة ساعة وتاخدوا  الأكل وتقضي وقت مختلف عالفطار مع أصحابك في النيل.

العنوان: 158 شارع البحر الأعظم – الجيزة

صفحة الـ facebook: ( أسماك الحوراني )




 



مسمط الركيب


مسمط الركيب من أهم المطاعم اللي بتقدم شوربة الكوارع في مصر، ممكن جداً تروح انت وأصحابك تضربوا شوربة كوارع وممبار وبأسعار مناسبة جداً جداً.

العنوان: 9 شارع الازهر- العتبة


صفحة الـ facebook : (مطعم الركيب )