"البوسة" أخرتها وحشة.. 6 فنانات انفصلوا بسبب قبلات سينمائية

الأربعاء 4 يوليو 2018 11:29
كتب: ندا عصام

الراجل يحب الست ويدلعها ويهنيها ده مش عيب وواجب عليه وأمر طبيعي جدا، لكن لما الموضوع "يوسع بقى"، ويبقى فيه بوس وأحضان، ومشاهد جريئة، لأ لحد هنا بقى وكل ده بيطير في لحظة، الراجل ممكن يتقبل أي حاجة إلا أن  يشوف حبيبته أو زوجته في وضع يقلل منه حتى، ولو لمجرد التمثيل، ففي فنانات كتير أوي تعرضوا لمشاكل وأزمات وانفصال بسبب الموضوع ده.." الراجل راجل ولازم يغير ويبقى حمش برضه".

 

الحكاية مش جديدة على الوسط الفني، لأ دي بدأت من زمان يعني مثلًا فاتن حمامة انفصلت عن زوجها المخرج عز الدين ذو الفقار بسبب قبلتها لـ لورانس العرب عمر الشريف في فيلم لهما، بس الظاهر كدة أن "البوسة" كانت طريق جديد لقصة حب عميقة، وشوفناهم بعد كده في قفص الزوجية.


تحكمات المخرج حسن الإمام، كانت السبب في طلاق لبلبة من حسن يوسف، في بداية حياتهما فخلال تصوير فيلم "بنت بديعة"، تلقت قبلة من "الواد التقيل" حسين فهمي، فعندما أخبرت زوجها رفض رفضًا تام، ولكن أكدت إنها كانت مجبرة من المخرج، على الرغم من عدم وضع هذا المشهد في خطة السيناريو، بس نقول إيه "كل شىء قسمة ونصيب".



وقالت سهير رمزي، من قبل في إحدي حوارتها، إن المشاهد الساخنة والقبلات التي قدمتها في فيلم "المذنبون" عام  1975، عملت ليها أزمات ومشاكل كتير أوي مع زوجها رجل الأعمال الخليجي محمد الملا، وفي النهاية انتهت قصة الحب بالانفصال للأسف.



حنان ترك دايما تضع نفسها في قالب معين غير أي نجمة أخرى من حيث المبادىء والالتزام، لكنها لم تسلم من نفس موضوع "القبلة"، ففي فيلم "المهاجر" رفضت مشهد "البوسة" مما جعل مخرج العمل يوسف شاهين يطردها من المكتب، ولكن بعد أن تعرض لوعكة صحية ودخوله المستشفى نفذت الأمر حتى لا تزيد عليه تعبا أكثر، ومع مرور الوقت اكتشفت أنها خاطئة وندمت أشد ندم.



موضوع نيكول سابا، كان كبير بقى، حصل مشاكل بالكوم مع زوجها اللبناني يوسف الخال، بعد مشهد القبلة الذي جمعها بالزعيم عادل إمام في فيلم "التجربة الدنماركية"، لم يتقبل زوجها الوضع وانفصلا حوالي 6 سنوات، لكن بعدها بفترة رجعت المية لمجاريها.. "الغيرة وحشة برضوا".



ماينفعش نتكلم عن الموضوع ده وسيرة هيفاء وهبي، ماتتجبش، القبلات اللي كانت بينها وبين عمرو سعد في فيلم "دكان شحاتة" ماتتعدش من كترهم، وده كان سبب في طلاقها من زوجها.