قبل ما تروحي تعملي (بيرسينج) لازم تعرفي تاريخه الأول

الجمعة 7 سبتمبر 2018 20:45
كتب: نيرفانا سامي

رغم أن البعض بيعتبروا ان حلقان الأنف دي موضة جديدة، وانها زمان كانت موجودة عند القبائل الغجرية بس، إلا أن دي معلومات غلط تماماَ، فحلقان الأنف موجودة من زمان جداً، وجزء من الزي الثقافي لأكثر من شعب حول العالم، زي الهنود والأمازيغ وكمان دول شمال أفريقيا زي المغرب وتونس والجزائر.



لكن في الأصل حلقان الأنف عرفها البشر لأول مرة عن طريق قبائل الماغول، وبالفعل هما على نقلوها للهند وبالتحديد عند غزوا الماغول للهند في القرن الـ 16، ومع الوقت بقى حلق الأنف هو الشبكة اللي بيقدمها العريس لعروسته، أما في مصر وصلت لنا حلق الأنف من خلال قبائل الغجر إللي عاشوا في مصر، واتنقل بالتحديد لأهالي سينا والصعيد وبقى جزء من الزي الرسمي ليهم.


وبداية من الستينات بدأت حلفان الأنف تنتشر في أوروبا وأمريكا بسبب الهجرات اللي راحت من الهند للدول دي وبدأ أهلها يعيشوا وسط الهنود ويتأثروا بالهوية بتاعتهم وثقافتهم اللي جزء منها  ملابسهم، ومن ضمنها حلقان الأنف.