لاعبة الأهلي تكشف فساد كرة اليد في عهد محمود طاهر

الأحد 26 نوفمبر 2017 17:03
كتب: محمد نور

كشفت رحاب جمعة، لاعبة فريق الأهلي لكرة اليد والمحترفة ضمن صفوف بلان دو كوك «plan de cuqes» الفرنسي عن فترة الفساد بكرة اليد في عهد محمود طاهر رئيس النادي الأهلي الحالي والمرشح لرئاسة الننادي بالانتخابات المقبلة.

وكتبت رحاب عبر صفحتها الشخصية عبر موقع التواصل الاجتماعي "فيس بوك" :البوست ده مهم جدا لكل عضو في النادي الأهلي لازم تعرفوا أن كل صوت هتنتخبوا ربنا هيحاسبك عليه، هتكلم عن مجالي كرة اليد، النادي بقاله فترة في فساد لكن اخر فترة الفساد كتر اووي!، اتذكر ان في مدربين اتظلموا ودكاترة مشوهم من النادي عشان افتري !!".

وأضافت رحاب:"دلوقتي لو ولي أمر منصبه عالي يتصل علي المدير الفني بنته او ابنه بتلعب على طول عشان بيعزم المدرب والمدير الفني وعزومات ورشاوي وكوتشيهات وخرفان بتروح علي البيت ولا البرايڤت اللي في مدرسة في مدينة نصر قبل ما تدخل بياخد الظرف فيه ما لا يقل عن 5000 تقريبا!".

وتابعت: "وكمان المدير الفني بيساعد المدرب علي كده ومحدش يقدر يقوله حاجة عشان عنده ضهر في المجلس!!مع أن الكلام ده ممنوع !، وناس ركبت عربيات من الرشاوي!!، الجديد بقي في كرة القدم عاوز يستثمر ويطلع بفايدة !، من امتي الإعلانات بتيجي في التليفزيون !!ولا الفلوس اللي أدعكت، ولا شادي محمد اللي صدمت فيه!".