سيبوا صلاح في حاله.. تعليقات الفنانين على أزمة أبو مكة مع منتخب مصر

الاثنين 25 يونيو 2018 17:05
كتب: ندا عصام

الأزمة التي تعرض لها مؤخرا أسطورة الكرة المصرية محمد صلاح، بسبب زيارته للرئيس الشيشاني مع بعثة المنتخب المصري، أثارت الكثير من الجدل، وعلق عليها جميع محبي، ومشجعي الكرة المصرية، وبالطبع كان للفنانين رأي، وتعليقات، قمنا بتجميعها في هذا التقرير.



وكتبت راندا البحيري، عبر صفحتها الشخصية على "إنستجرام": "ويا ترى وفد الفنانين المصريين هو السبب في زيارة محمد صلاح لحاكم الشيشان".




بينما علق الإعلامي عمرو أديب، من خلال تدوينة على "تويتر" وكتب: " هى الناس محمله صلاح اكتر من طاقته ليه لا هو مسئول حكومى ولا زعيم سياسي صلاح لاعب كره عبقري محب لجمهوره وبلده أما اكتر من كده بصراحة حرام وضغط على الراجل غير عادي احنا اساتذه اننا نحطم كل النماذج الناجحة وكفاية المعمول اليومين دول في مستشفى ٥٧".




وكتبت ندى بسيوني، عبر "تويتر": " فوضى وغوغائية اتحاد الكرة المصري تسببت في أزمة ل #محمد_صلاح ..عدم الشعور بالمسئولية سيتسبب في تدمير القوى الناعمة لمصر .. سيبوا صلاح في حاله".




أما المخرج بيتر ميمي، فعلق على الموقف وكتب تدوينى على "تويتر" قائلًا: " هو يمكن يكون كلام صعب شوية، أنا بجد نفسي محمد صلاح يعتزل دوليا، احنا مانستهلش حاجة عدلة تحصلنا أصلا! نسيبه في حاله بقى علشان على الأقل نقول إن فيه واحد مصري مشرفنا بدل ما احنا اللى نعره! (لا نبى بلا كرامة الا فى وطنه).




وعلق المخرج مجدي الهواري، بطريقة مختلفة، وكتبت على صفحته الشخصية "تويتر": " هيوقفوك، هيحاولوا ييأسوك ويحبطوك ويكسروك ! خليك دايمًا جامد جرب حاول عاند، هايقطموك وتملي يفشلوك ويبكتوك ويزهقوك!وماتزعلش داعادي كله كلام ع الفاضي، لو غرقوك عوم ،لو وقعوك قوم،صدقني كالعادة في جواك سوبر مان أحلامك بالإمكان وعشان انت بطل من جواك، في حلم بيستناك #أنا_مع_صلاح".




ومن جانب مصطفى خاطر، وجه رسالة للنجم محمد صلاح، خلال برنامج "بوضوح" قائلًا: " انت قدها يا صلاح وإحنا مستنينك في اللي جاي ومع مصر وهتبقى حاجة كبيرة جدا، هتبقى حاجة كبيرة ايه هو الله واكبر حاجة كبيرة جدًا".