4 طرق.. إزاي تتفرج على كأس العالم ببلاش في البيت

الأحد 10 يونيو 2018 16:30
كتب: محمد جمال

مبقاش في مكان أو بيت في مصر مفيش فيه ناس مغرمة بكرة القدم وحتى لو فيه لازم هيتابع كأس العالم اللي جاي خلاص بعد أيام وخاصة أن المنتخب الوطني هيشارك في البطولة بعد ما غاب أكتر من 28 عامًا.

ولكن اللي يضايق بجد أن مش كل الناس هتقدر تتفرج على ماتشات كأس العالم بسبب نظام الاحتكار اللي بتطبقه قنوات "بين سبورتس" القطرية اللي حصلت على الحقوق النقل والإذاعة بشكل حصري لتجبر الناس على مشاهدة البطولة على شاشاتها.

وزاد الضغط بعدما رفعت بين سعر الاشتراك في قنواتها وعملت باقة خاصة لكأس العالم مقابل 2000 جنيه لمدة شهر فقط اللي هي مدة إقامة البطولة في روسيا.

وطبعًا عشان الشعب المصري عظيم بطبعه ومفيش حاجة تقدر تقف قدامه حبينا نقولكم على 4 طرق تقدر تتفرج من خلالها على كأس العالم وأنت قاعد في البيت.

 

* الطريقة الأولى .. ريسيفر سعودي

اكتسح الأسواق ريسيفر سعودي يحمل اسم "بي أوت" " "Beout Q وهو تابع لشبكة قنوات رياضية تم إطلاقها داخل السعودية، مؤخرًا بد قرار المقاطعة مع قطر واختاروا هذا الاسم بالتحديد ليكون مُعاكسًا للشبكة القطرية "Bein"، لتكون اسم الشبكة المنافسة "Beout".

وهذا الريسيفر يقدم خدمة المشاهدة بحرية في كل مكان، ويعد الاشتراك فيها مجاني وبشكل رمزي، فمن خلالها يمكن مشاهدة كافة البطولات العربية والدولية، وذلك عبر الموقع الرسمي للقناة وهو beoutq.se‏، أو من خلال أجهز الاستقبال على الإنترنت، ويمكن كذلك مشاهدتها بالتقنية الحديثة المعروفة باسم iptv، وقد حددت الشبكة اشتراكًا رمزيًا فيها بـ 320 ريال فقط، يشمل بذلك الاشتراك في المجموعة والجهاز، إضافة إلى رسم تجديد سنوي 130 ريال فقط.

ولقى الجهاز إعجاب الكثير من الناس وضغط كبير على شرائه خاصة بعد تجريبه والتأكد من نقل مباريات مشفرة خلاله وفتح العديد من القنوات.



 

* الطريقة الثانية.. قناة etv الإثيوبية

نجحت القناة الإثيوبية etv المتاحة على القمر الصناعي نايل سات تردد "11512 رأسي" في نقل مباريات دوري أبطال أوروبا في النسخة الأخيرة وتمكنت طائفة كبيرة من الجماهير متابعة المباريات عليها ولكن الأزمة الوحيدة فيها هي إن التعليق عليها ليس عربيًا.



 

* قناة إسرائيلية تذيع كأس العالم

لو مش هتقدر تتفرج على القناة الإثيوبية اللي هتنقل مباريات كأس العالم على النايل سات بسبب اللغة عندك حل تاني وهو قناة مكان الإسرائيلية اللي أعلنت نقلها لمنافسات كأس العالم بروسيا مجانًا من غير ما تدفع ولا مليم وكمان هتوفر إذاعة باللغة العربية من أجل متابعيها.

ولكن المشكلة كلها في ان القناة غير موجودة على النايل سات ومتاحة على القمر الإسرائيلي "أموس".


 

* الحل الأخير.. البث المباشر

أخر الحلول من أجل متابعة مباريات كأس العالم من بيتك أنك تفتح مواقع البث المباشر اللي بتنقل مباريات من بي إن سبورت في مختلف البطولات وطبعًا دي بتكون محتاجة سرعة نت جيدة عشان تقدر تتفرج على المباراة بدون تقطيع وبجودة كوبسة ولكن العيب اللي فيها أحيانًا البث المباشر بيتم وقفه ويعود خلال دقائق.