5 أماكن لسحور "مختلف" في القاهرة .. جربهم هتحبهم

الاثنين 28 مايو 2018 15:10
كتب: نيرفانا سامي

على الرغم من أن المفترض أن يكون شهر رمضان هو الموعد السنوي للجمل الشهيرة (مش هنفطر مع بعض يوم) لكن بكل أسف تسقط كل توقعاتنا عن رمضان بعد مرور أول أسبوع، وذلك بسبب أننا نتشارك مع الأصدقاء نية الخروج (النية بس كفاية!) دون تحديد موعد أو مكان للإفطار أو السحور، ولحرصنا الشديد على علاقتك بأصدقاء الطفولة، وأيضا لأن (مش هتخسروا بعض عشان خروجة)، قررنا أن نجمع لكم 5 أماكن للسحور الرمضاني أجواءها مختلفة و(على قد الإيد).

1- الجبنة خانة

لو كنت من مجانين الجبنة، مطعم الجبنة خان هيكون الاختيار الأفضل بالنسبالك بالتأكيد، وده لأنه بيقدم مأكولات طعمها حلو جداً يضاف عليها الجبنة، ومن اشهر الأطباق اللي بيقدموها السجق بالجبنة، وكمان عندهم عصير بطيخ حلو جداً هيعوض جسمك  بنسبة سوائل عظيمة قبل الصيام.




العنوان:
30 شارع الشيخ علي عبد الرازق متفرع من شارع الحجاز أمام مدرسة النزهة للغات - مصر الجديدة.

صفحة الـ facebook: (الجبنة خَانة - Cheese House)


2- وكالة السحيمي

لو عايز تقضي سحور مختلف وسط الموسيقى الشرقي في مكان قريب ليك أنت وأصحابك لو ساكنين فين، فالاختيار الأفضل ليكم هو مطعم (وكالة السحيمي) اللي بيقدم وجبات سحور بأسعار مناسبة جداً، وكمان مشروبات وشيش، ولو كانت بتحب الصور المكان بيوفرلكم ملابس تنكرية تتصور بيها أنت وأصحابك.





العنوان: شارع المعز

صفحة الـ facebook: (وكالة السحيمي)

3-  بيت الخيمة

بيت الخيمة مكان مميز جداً، هتحس أنك قاعد في دهب بمعنى الكلمة، المكان عبارة عن مجموعة خيم وفي مطاعم كتير هناك بتقدم لك الطلبات، ده غير إن المكان في خيول ممكن تأخد بيها جولة  في المكان.





العنوان:
شارع النزهة ، ريحانا بلازا ، إمام كمبوند الياسمين الشيخ زايد (مدينة)

صفحة الـ facebook  (بيت الخيمة)                                                                 

 

4-   مطعم باب دمشق


لو مش عايز تقضي السحور بشكل تقليدي، خد أصحابك وروحوا مطعم (باب دمشق) وهناك هتقضوا يوم مختلف جداً، المكان ألوانه مبهجة جداً وبيقدم سحور سوري طعمه رائع وخفيف على معدتك، وكمان المكان في كل يوم تخت شرقي وكمان فرق سورية بتقدم حفلات إنشاد طول شهر رمضان.





العنوان: 17 عمارات السعودية شارع النزهة أمام البنك الأهلي , مدينة نصر

صفحة الـ facebook (باب دمشق)

 

5- درب شكمبة

لو عايز تحس أن جوا أوبريت (الليلة الكبيرة) بمعنى الكلمة فأنت مكانك مش في المطاعم العادية، انت تتبسط في مطعم درب شكمبه، الأكل حلو جداً، وكمان بيقدم في توصيل طلبات عشان فطارك وسحورك يوصلك طازة في أي مكان.



العنوان: الفرع الأول : مساكن شيراتون, عمارات الإسكان والتعمير شارع أنقرة
الفرع الثاني :المهندسين 2 ميدان عمان متفرع من نادى الصيد 

صفحة الـ facebook (درب شكمبه)