5 أماكن "للأنتخة" بعد الفطار في المعادي

الخميس 31 مايو 2018 16:18
كتب: محمد عباس


في رمضان، اللمة على الفطار تحلى، والحالة اللي بندخل فيها بعد الفطار بتبقى أحلى، وأحلى ، حالة من "الأنتخة"، و"التفخيد"، مع الأجواء الرمضانية الجميلة في الأماكن اللي بنرتاح فيها، وبما إن أهل المعادي في بينهم و بنيها حالة عشق من نوع خاص كده، ومابيحبوش يطلعوا منها تماما حتى لو إيه بيحصل، فقررنا نجيب ليكم أحلى خمس كافيهات ممكن تقضوا فيها وقت "أنتخة" ما بعد الفطار مع الأجواء الرمضانية الجميلة داخل "دولة" المعادي.




1- حارة معز


مين فينا مش بيحب أجواء رمضان في حي الحسين و شارع المعز، الأجواء المصرية الجميلة دي موجودة بشارع 9 في كافيه اسمه "حارة معز"، شكل مختلف في كل حاجة، وخدمة كويسة جدا، ودي حاجة تخليه تجربة جديدة ومختلفة عن باقي الكافيهات الموجودة في شارع 9 .


العنوان : 80 شارع 9 – المعادي

رقم التليفون :  01111147442







2 - دسوقي أند صودا 


مكان بيرتبط أهل المعادي جدا، له طبيعة خاصة كده، الأكل فيه حلو أوي كمان، ده في حالة إنكم تكوانوا مافطرتوش كويس مثلا ولا حاجة، المكان الناس بتحب تروحه كمان علشان الأفكار الجديدة في الديكور بتاعه و اللي تخليك عايز تتصور مع كل فكرة فيهم.


14 شارع 9 - المعادي











3 - يونيون 


أجدد مكان في قائمة الخمس كافيهات دول، أجواء أمريكية، وديكور لطيف، القهوة في المكان ده بيعملوها حلوة جدا، ودي حاجة مطلوبة بعد الفطار، تعامل الناس جوه المكان هيخليك ترتاح، وتحب تروحه أكثر من مرة.


العنوان : 46 شارع 9 - المعادي

تليفون : 01283838080







4 - فيلا كاراكاس



من أكثر الأماكن اللي الديكور بتاعها مبهر في المعادي ومصر كلها يمكن، المكان فيه أكل وحلويات لبناني حلوين جدا كمان.


العنوان : 63 شارع 9 - المعادي
تليفون : 01017118882








5 - الشادر. 


لو عايز تبعد عن شارع 9 وتروح في حتة جديدة جوه المعادي، يبقى عليك وعلى دجلة، وهناك هتلاقي مكان اسمه الشادر مميز جدا بأجوائه النوبية المختلفة، المكان هادي جدا، وعلى ضمانتنا جرب فطيرة الشيكولاتة هناك اللي هتلاقيها مختلفة عن أي مكان تاني.


العنوان : 5 شارع 204 - دجلة - المعادي

 تليفون : 01002620064