5 كلمات بنقلش بيهم.. والمفاجأة طلعوا بالفصحى

الاثنين 6 أغسطس 2018 16:47
كتب: نيرفانا سامي

تفتكر هيحصل إيه لو قاعد على قهوة وقررت تشيش وجالك القهوجي وبدأ يتكلم معاك بالفصحى.. تخيل يعني تفتكر هتطلب منه يغير الشيشة زاي بالفصحى؟ طيب هتفهمه ازاي أنها (بتكركر)؟! لو كنت بتعرف لغة عربية كويس مش هتلاقي أي صعوبة لأنها بالفصحى تكركر برضه عادي, مش بس كده، الموضوع بيتكرر في كلمات كتير من اللي بنستخدمها في القلش، وفاكرينها عامية هي في الحقيقة كلمات فصحى صحيحة 100%، ولكن الحقيقة برضه إن الكلمة موجودة في اللغة العربية، بس مش بنفس المعنى اللي نقصده للكلمة ساعات، فعلى سبيل المثال كلمة (تكركر) معناها بالفصحى (الكركره) هي إعادة الشيء أكثر من مرة بشكل متتالي.

1- (شاف).. تعني رآه مش بس كدة تقدر تقول (شاف الشيء شوفاً).

2- (زيطة).. تعني الصياح، وتداخل واختلاط الأصوات.

3- (شال).. شال الشيء يعني حمل الشيء أو رفعه.

4- (بعزق).. بعزق الأموال تعني صرف الأموال.

5- (الوشوشة).. هي الكلام المتداخل، والمختلط الذي يقال بشكل غير واضح.