5 لاعبين يبحثون عن المجد بعد "خيبة أمل" المونديال

الجمعة 20 يوليو 2018 14:43
كتب: محمد جمال

جه دلوقتي ميعدنا مع الموضوع اللي بنتكلم فيه عن مونديال روسيا 2018 اللي فازت بيه فرنسا على حساب كرواتيا في المباراة النهائية.

وزي ما قولنا قبل كدا مش معنى إن كأس العالم خلص إن الكلام خلص عنه لا خالص توابع البطولة هتعيش معانا فترة طويلة.

وموضوعنا النهاردة عن أبرز اللاعبين اللي هيكونوا عاوزين تعويض خيبتهم مع منتخبات بلادهم في المونديال وتعويض ذلك مع أنديتهم خلال المرحلة المقبلة.

 

·       ليونيل ميسي

يأتي على رأس قائمة اللاعبين اللي عاوزين ينسوا اللي حصلهم مع منتخباتهم في المونديال.

ميسي اللي كان بيحلم بالتتويج بالمونديال ودع البطولة بدري بدري فيعد ما تأهل بأعجوبة لدور الـ16 خرج بدري بعد الخسارة من فرنسا بأربعة أهداف مقابل ثلاثية.

ميسي بيحلم بالعودة للدوري الإسباني ودوري أبطال أوروبا للمنافسة عليهم خاصة إنه في برشلونة حاجة وفي الأرجنتين حاجة تانية خالص.

 

·       نيمار دا سيلفا

تعرض البرازيلي نيمار دا سيلفا لانتقادات كبيرة خلال مونديال روسيا 2018 بعد اللي كان بيعمله ويمثل في كل كورة مشتركة إنه بيقع فيها.

جماهير كتير كانت حاطة أمل كبير على نيمار أنه يقود منتخب البرازيل للنهائي ويفوز باللقب إلا أنه خرج من البطولة أمام بلجيكا في ربع النهائي.

نيمار عاوز يرجع يصلح الصورة اللي اتشوهت في المونديال أمام الجماهير مع باريس سان جيرمان أو حتى الرحيل لريال مدريد كما تردد في الآونة الأخيرة.

 

·       ليفاندوفيسكي

كانت مفاجأة كبيرة المستوى اللي ظهر بيه منتخب بولندا في المونديال وتوديع البطولة بدري والخسارة من كولومبيا والسنغال والخروج من دور المجموعات.

ليفاندوفيسكي كان من اللاعبين اللي مش موفقين في المونديال ومستني العودة مع البايرن والمشاركة مع ناديه أو الانتقال لريال مدريد كما تردد قبل البطولة.

 

·       دافيد دي خيا

دي خيا أمام اختبار صعب أوي وهو استعادة الثقة والمكانة فيعد ما كان رقم واحد وهدف لأكبر الأندية رجع للخلف بعد المستوى اللي ظهر بيه في المونديال وكان سبب في خروج إسبانيا من البطولة أمام روسيا في دور الـ16.

دي خيا عاوز يرجع لليونايتد مجددًا عشان ينافس على القفاز الذهبي في الدوري الإنجليزي الموسم اللي جاي.

 

·       مسعود أوزيل

من ضمن اللاعبين اللي عانوا كتير في المونديال بعد ما تعرض لهجوم من الجماهير وكانت سبب في مضايقته والتأثير على مستواه الفني.

أوزيل عاوز يرجع لأرسنال بطموح جديد وخاصة بعد ما غير دمه وكمان تعاقد مع مدير فني جديد خلفًا لأرسين فينجر.