5 حاجات تسليك وأنت مستني العاصفة

الثلاثاء 1 مايو 2018 08:45
كتب: نهى حمدي

من يومين امتلأت صفحات "السوشيال ميديا"، والصحف بأخبار عن قدوم عاصفة ترابية سرعتها شديدة مصحوبة ببرق ورعد وسيول"ميكس ظواهر طبيعية"، وتنبؤات بحدوثها يوم الأثنين وذروتها الثلاثاء، وانتشرت الفيديوهات منذ صباح اليوم للعاصفة، وهي تهب على الفرافرة، وتحذيرات بأنها في الطريق وحددوا موعد وصولها للقاهرة بعد العصر.

مر العصر والمغرب و"صلوا العشاء" والمصريون منتظرون العاصفة على أحر من الجمر، يستعجلون قدومها ويتسألون عن تأخرها كل هذا الوقت، أغلب الناس في البيوت "لأن الجو حر وتراب أوفر، ومنها بيسمعوا كلام الأرصاد في توخي الحذر" ومع انتظار حدوث العاصفة "مينفعش الوقت يعدي من غير ما تسلي وقتك"، وهذه بعض المقترحات لقضاء ساعات الانتظار .

1- بما إن أفراد الأسرة متجمعين و"محدش عارف يفلفص" جمعوا بعضكم والعبوا "كوتشينة أو دومينو أو أونو" مع طبق كبير من الفشار والمقرمشات و"عيشوا يوم حلو".

2- أما إذا كنت عايش وحيدًا شريدًا فهذه فرصة جيدة تجمع فيها أصحابك في البيت و"تعملوا حفلة نار" رقص وغنى أو دورين بلاي ستيشن أو بولة استميشن.

3- ولو كنت "مش عايز تعمل حاجة مع حد" فالاختيارات كثيرة ممكن تجرب حظك في الطبخ أو ترتب دولابك "المكركب"، أو تستجم وتقرأ كتاب مع فنجان قهوة.

4- انتهز الفرصة وأجري مكالماتك المؤجلة وترميم خلافتك مع أصدقائك أو خطيبتك "اتكلم في التليفون لحد ما يبان للعاصفة صاحب".

5- اتفرج على الأفلام "المكربسة على اللاب توب" أو حتى أون لاين .