أعربت الفنانة أسما شريف منير، عن مدى إعجابها الشديد بأدوارد والدها النجم شريف منير، مؤكدة أنه يبذل مجهود كبير في شغله من أجل تقديم الشخصية على أكمل وجه.

ونشرت أسما، صورة تجمعها بوالدها، وعلقت عليها عبر حسابه الشخصي بموقع تبادل الصور والفيديوهات "انستجرام": "شريف منير.. سيبكوا تماماً من انه ابويا بس انا عايزة أقولكوا رائي فيه كممثل .. هو عمل اصعب معادلة في التاريخ و هي حفاظه علي مكانته.. بحترم فيه جداً قوة رفضه حتي لو كانت الظروف بتجبره علي انه يشتغل، انه زيه زي اي حد عنده بيت و عيال و مصاريف.. بس دة مخلاهوش ينحت.. يتعب جداً في شغله و بيبذل مجهود في تفاصيل الشخصية اللي بيلعبها، صبغ شعره اصفر، اهتم بصحته و لعب رياضة، عمل ست بكل تفصلها، اتعلَّم رمايا( عشان لو جاله دور ماسك فيه مسدس و بينشن علي حاجة متبقاش مصطنعة) ، ركوب خَيل ، اخد دروس عبري عشان ولاد العم..عمل كمان حركة ذكية".

وأضافت: "بيعمل ادوار تبان ان هي شبه بعض زي مثلاً لما عمل ست. ناس كتير ممكن تقول انا مش هعمل دور ست مرتين بس هو عمل ست في ( حزمني يا ) كوميدي، و عمل دور ست في ( هستيريا)دراما توجع القلب، من الفنانين القليلين جداً اللي معندوش مانع يخاطر مع مخرج جديد و كمان عمره ما استكبر انه يشارك بطولة مع شباب جديد. 
الراجل دة فضل صامد و محافظ علي مستواه الفني من ساعة ما بدأ لحد انهاردة و عدي عليه ناس كتير و لسة محافظ علي مكانته الخاصة. . أحب اشكره علي مجهوده اللي عمله في حياته كلها". 

واختتمت: "انا بفتخر ان اسمي علي اسمه. .ربنا يحبب فيك خلقه دائماً. اما بقي علاقتي بيه كا اب اكتر واحد بيتخانق معايا و بيسمعني، صحبي جدا و بخاف منه (احتراماً ليه) لا و بخاف منه برضه مرعب جدا علي فكره، مره جوزي كان بيحضني قدامه جريت و نسيت انه عادي .. حنين و صارم و طيب... اتعلمت منه كتير اوي و شبه و في حاجات كتير، سندي و ضهري".